Dünya şöhrətli basketbolçu Maykl Cordanın 6 cüt idman ayaqqabısı hərraca çıxarılıb.

Bizim.Media xəbər verir ki, bununla bağlı “Sotheby's” korporasiyası məlumat yayıb.

Məlumata görə, Air Jordan brendinə məxsus ayaqqabılar rekord məbləğə - 8 milyon dollara satılıb.

Basketbolçu onları geyinərək altı NBA matçında xariqələr yaradıb. Ayaqqabıların bir neçəsinin üzərində Cordanın avtoqrafı da var.

Qeyd edək ki, Maykl Cordan dünya idman tarixində 1 milyard dollardan çox pul qazanmağı bacaran üç idmançıdan biridir. O, peşəkar karyerasını 2003-cü ildə başa vurub.