Qlobal smartfon bazarı bir il davam edən tənəzzüldən sonra bərpa olunmağa başlayıb. 

Valyuta.az xəvər verir ki, bunu "Canalys" analitik şirkətinin məlumatları sübut edir.

Hesabata görə, 2023-cü ilin son rübündə satışlar 2022-ci ilin eyni dövrü ilə müqayisədə 8% artaraq 319,5 milyon ədədə çatıb. Bütün 2023-cü il üçün ümumi tədarüklərin 4% azalaraq 1,14 milyard ədədə qədər azalmasına baxmayaraq, şirkət bunu sabitləşmə əlamətləri və bazarın bərpasının başlanğıcı kimi görür. Bərpanın əsas hərəkətvericiləri Latın Amerikası, Afrika və Yaxın Şərqin inkişaf etməkdə olan ölkələridir.

Eyni zamanda, inkişaf etmiş regionlarda, o cümlədən Çin, Avropa və Şimali Amerikada istehlakçı xərclərinin azalması və paylama kanallarına investisiyaların azalması səbəbindən bazar daralmağa davam edir. "Canalys"in proqnozlarına görə, inkişaf etməkdə olan bazarlar üçün daha güclü rola doğru tendensiya 2024-cü ildə də davam edəcək.

2022-ci ilin sonunda smartfon bazarında liderlər 20% pay və 229,2 milyon ədəd tədarüklə "Apple", "Samsung" (bazarın 20%-i) və Xiaomi (bazarın 13%-i) olub.

"Xüsusilə hissələrin tədarükü yaxşılaşdıqca bazarın bu il daha da canlanacağını gözləyirik", deyə "Canalys" analitiki Maykl Lamb bildirib.

Paşa Məmmədli