Türkiyənin “Bota” neft-qaz şirkəti və Türkmənistan dövlət korporasiyası “Türkmənqaz”ın rəhbərliyinin nümayəndələri qazın daha sonra Avropaya ixracı üçün Türkmənistandan Türkiyəyə nəqli planlarını müzakirə ediblər. 

Valyuta.az xəbər verir ki, görüş “Bota”nın Ankaradakı baş qərargahında baş tutub.

Qeyd olunur ki, Aşqabadla bu sahədə əməkdaşlıq Türkiyənin regional qaz ticarət mərkəzinə çevrilmək üzrə strateji planlarının tərkib hissələrindən biridir. Türkmənistan qazının Azərbaycan vasitəsilə respublikaya çatdırılacağı, onun həcminin bir hissəsinin daha sonra Avropaya ixrac ediləcəyi güman edilir. İki ölkə arasında energetika sahəsində əməkdaşlığın inkişafına dair memorandum 2022-ci ilin dekabrında imzalanıb.

Qəzetin qeyd etdiyi kimi, “Bota”nın rəhbərliyi əmin edib ki, bu planların həyata keçirilməsi üçün türkmən tərəfinə istənilən dəstəyi verməyə hazırdır. Tərəflər arasında müzakirə edilən planın birinci mərhələsi türkmən qazının Türkiyəyə çatdırılmasını nəzərdə tutur, daha sonra qısa müddətdə Avropa bazarlarına müntəzəm olaraq ixrac ediləcək. Türkmənistandan alınan qazın təxmini dəyərinin Türkiyə üçün daha sərfəli olduğu, bunun digər ixracatçı ölkələrlə danışıqlarda mövqeyini gücləndirəcəyi vurğulanır.

“Sabah” yazır ki, Türkiyə böyük qaz ixrac mərkəzinə çevrilmək planları çərçivəsində Rusiya ilə yanaşı, Azərbaycan və Türkmənistandan da qaz almağı, eləcə də digər ölkələrdən LNG almağı və bu yanacağın Avropaya ixracını planlaşdırır. 

Nicat