Moldova respublikanın Avropa İttifaqından pul köçürmələrinin maya dəyərini azaldacaq Vahid Avro Ödəniş Sahəsinə (SEPA) qoşulması üçün ərizə təqdim edib. 

Valyuta.az xəbər verir ki, bu barədə Moldova Milli Bankının rəhbəri Anka Draqu bildirib.

"Bu, iqtisadi sistemdə iştirak edən hər kəs, o cümlədən şirkətlər üçün böyük addımdır. Bu, xaricdə yaşayan və işləyən və ölkədəki qohumlarına köçürmələr edən bütün moldovalılar üçün çox yaxşı xəbər olacaq", deyə Anka Draqu sənədin imzalanması zamanı bildirib.

Milli Bank rəhbərinin sözlərinə görə, sistemə qoşularkən əməliyyat haqqı 20-50 avrodan 1-3 avroya endirilə bilər. Bir il yarım ərzində qoşulma üçün lazım olan bütün prosedurların tamamlanacağı gözlənilir.

Paşa Məmmədli