Ötən il Azərbaycan 110-dan çox ölkəyə qeyri-neft və qaz ixrac edib.

Valyuta.az xəbər verir ki, bunu Azərbaycan İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev bu qurumun 2023-cü ilin yekunlarına dair keçirilən mətbuat konfransında bildirib. 

Yusif Abdullayev qeyd edib ki, ixracatda Rusiya və Türkiyə ön sıralarda yer alıb. Bundan başqa Gürcüstan, İsveçrə, Qazaxıstan, Birləşmiş Ərəb Əmirlikləri, Qırğızıstan və Rumıniyaya da məhsul ixrac edib:

"2023-cü ildə Azərbaycan 3,348 milyard ABŞ dolları dəyərində qeyri-neft məhsulları ixrac edib ki, bu da 2022-ci illə müqayisədə 9,8% çoxdur. 2026-cı ildə qeyri-neft və qaz ixracını 5 milyard ABŞ dollarına çatdırmaq planlaşdırılır"- deyə, o, vurğulayıb.

Əvəz Həsənov