Avropa meyvə-tərəvəz bazarı Qırmızı dənizdə davam edən böhranın qurbanına çevrilib. 

Valyuta.az xəbər verir ki, bu fikri politoloq Malek Dudakov öz Telegram kanalında paylaşıb.

Hesabatda bildirilir ki, tez xarab olan mallar Süveyşdən keçmək əvəzinə Afrika ətrafında əlavə 15-20 günlük nəqliyyata tab gətirə bilməyəcəkləri üçün mümkün qədər tez çatdırılmalıdır. Ən çox İtaliya, İspaniya və Yunanıstandakı fermerlər əziyyət çəkir. Səudiyyə Ərəbistanına 400 milyon dollarlıq italyan almasının ixracı dayandırılıb, armud və kələm tez xarab olduğu üçün ticarəti dondurulub.

Dudakov yazır ki, indi Avropa bazarında kənd təsərrüfatı məhsullarının artıqlığı olacaq ki, bu da fermerlərin etirazına daha bir səbəb olacaq. O, həmçinin hesab edir ki, bu, ukraynalı lobbiçilər üçün əlavə zərbə olacaq, çünki onlar üçün Ukrayna taxılının Avropaya çıxışında lobbiçilik etmək daha da çətinləşəcək.

Qırmızı dəniz böhranı Asiya və Yaxın Şərqdən Avropaya xammal və malların daşınmasına da təsir edir. Bəzi Avropa şirkətləri, o cümlədən IKEA artıq çatışmazlıqlar yaşamağa başlayıb.

Politoloq yazır ki, Avropa və Britaniyadakı iri supermarketlər hələ də boş rəflərlə bağlı vəziyyətdən qaçmağa çalışırlar, lakin böhran daha bir neçə ay davam edərsə, vəziyyət daha da pisləşəcək. Ekspertin fikrincə, husilər və İran artıq “axsaq ördəy”ə çevrilmiş Co Baydenlə öz kanalları ilə güzəştə getməyə və danışıqlara hələ hazır deyillər.

Dudakov vurğulayıb ki, Qərb koalisiyasının husiləri məğlub etmək üçün kifayət qədər real qüvvəsi yoxdur və Pentaqonun imkanları həddindən artıq yüklənib. “Bölgəyə göndərilən Britaniya gəmiləri çətinliklə özlərini müdafiə edə bilirlər. Onlar təyyarədaşıyan gəmiləri göndərməkdən qorxurlar, kifayət qədər dənizçi olmadığına görə daim xarab olurlar”, – ekspert öz kanalında yazır.

O hesab edir ki, bu böhran nəticəsində yüklərin daşınması xərcləri artıb və qlobal ticarət zərər çəkib.

Yanvarın 28-də Britaniya esminesi Qırmızı dənizdə Husilərin növbəti dron hücumunu dəf edib.

Bundan əvvəl husilər Qırmızı dənizdə ticarət gəmilərinə hər 12 saatdan bir hücum etmək niyyətində olduqlarını bəyan etmişdilər .

Nicat