Fevralın 1-dən bu ölkənin 45 şirkətində dördgünlük iş həftəsinin tətbiqinə dair təcrübə başlayacaq. Söhbət Almaniyadan gedir.

Bizim.Media xəbər verir ki, bu barədə “Bloomberg” məlumat yayıb.

Məlumata görə, altı ay davam edəcək təcrübənin məqsədi iş günlərinin sayının azaldılmasının məhsuldarlığın artımına nə dərəcədə təsir edəcəyini yoxlamaq olacaq.

Agentlik qeyd edib ki, ötən il aparılan sorğunun nəticələrinə əsasən, alman şirkətlərinin yarısı ən azı qismən vakansiyaları doldura bilmir. Bunun fonunda şirkətlər namizədlər üçün tələbləri azaldıb, işçilər isə şəraitin yaxşılaşdırılmasını tələb ediblər.

Bildirilib ki, yeni qərarın tətbiq ediləcəyi təqdirdə işçilərin maaşları dəyişməyəcək.