Estoniya Xarici İşlər Nazirliyinin hüquq və konsulluq məsələləri üzrə vitse-kansleri Erki Kodar Rusiya aktivlərinin Ukraynaya ötürülməsi mexanizmindən danışıb. 

Valyuta.az xəbər verir ki, bu barədə ERR teleradio şirkəti məlumat yayıb.

Vitse-kanslerin sözlərinə görə, qanun layihəsinin parlamentdə birinci oxunuşdan keçməsinə baxmayaraq, Rusiyanın dondurulmuş aktivlərinin Ukraynaya verilməsi üçün beynəlxalq müqavilələr sisteminin yaradılması bir-iki il çəkəcək.

"Belə bir sistemin yaradılması müəyyən vaxt apara bilər. Bu, beynəlxalq müqavilələr baxımından bir və ya iki il davan edəcək”, deyə rəsmi izah edib.

Kodar əlavə edib ki, Rusiyanın Estoniyadakı dondurulmuş aktivlərinin məbləği təxminən 30 milyon avrodur.

Bundan əvvəl Aİ-nin Xarici İşlər və Təhlükəsizlik Siyasəti üzrə Ali Nümayəndəsi Cozep Borrell bildirmişdi ki, Aİ fevralın ortalarında xarici işlər nazirlərinin görüşünə qədər Rusiya Federasiyasının dondurulmuş aktivlərindən əldə edilən gəlirlərin istifadəsi ilə bağlı yekun razılaşma əldə etməyi gözləyir.
​
Paşa Məmmədli