Avropa Mərkəzi Bankının (ECB) işçilərinin əksəriyyəti bankın sədri Kristin Laqardın fəaliyyətini "çox pis" və ya "zəif" kimi qiymətləndirib. 

Valyuta.az xəbər verir ki, bu nəticəyə gəlməyə ECB-nin işçilərinin həmkarlar ittifaqının sorğusuna qatılan respondentlərin cavabları əsas verir.

ECB-nin təxminən 4500 əməkdaşından 1159-u sorğuda iştirak edib. Nəticələ Laqardın sələfləri Mario Draqi və Jan-Klod Trişenin yüksək reytinqləri ilə kəskin şəkildə ziddiyyət təşkil edir. Sorğudakı şərhlər, Laqardın həddindən artıq siyasiləşməsindən və ECB-nin reputasiyası hesabına şəxsi gündəmini təbliğ etməsindən narazılığını göstərir.

Bundan əlavə, respondentlərin 59%-i ECB-nin 6 üzvdən ibarət idarə heyətinə etibar etmədiyini və ya çox az etimad göstərdiyini bildirib. Bu, ötənilki sorğu müqayisədə kəskin azalmadır.

Sorğuda şura üzvü Frank Eldersonun sorğu başladıqdan sonra həmkarlar ittifaqına təzyiq göstərdiyi qeyd edilir. Elderson Laqardın şəxsi fəaliyyətini və ECB-nin pul siyasəti qərarlarını şübhə altına almaq hüququ ilə mübahisə edib.

Paşa Məmmədli