Bazar ertəsi Honq-Konq birjasında qeydə alınan Çin səhmlərinin ucuzlaşması güclənib. Qiymətli kağızların dəyəri 2000-ci illərin əvvəlindən bəri rekord səviyyəyə düşüb. Materik analoqları ilə müqayisədə endirim 36%-ə çatıb. 

Valyuta.az "Bloomberg"ə istinadən xəbər verir ki, bu, son 15 ilin ən yüksək səviyyəsidir.

Ticarət sessiyasının sonunda "Hang Seng China Enterprises Index" 2,4% azalaraq 5001,95 bənd təşkil edib. Materik CSI 300 indeksi 1,56% azalaraq 3,218,9 bəndlə bağlanıb. Texnologiya nəhəngi "Tencent Holdings"in səhmlərinin qiyməti 262,2 HK$-a (-3,32%) düşüb.

Çin səhmlərində davam edən satışlar, 19 yanvar cümə günü S&P 500 indeksinin son iki ildə ilk dəfə 4,839-dan yuxarı qalxdığı "Wall Street"də nikbinlik fonunda daha da qabarıq görünür.

Honq-Konqdakı Çin səhmlərinin qiymətləri dünyanın ikinci ən böyük iqtisadiyyatının sağlamlığının daha yaxşı göstəricisi və investorların əhval-ruhiyyəsinin daha dəqiq göstəricisi hesab olunur. Çin tənzimləyiciləri Şanxay və Şenzen ticarətinə təsir göstərə bilər.

Paşa Məmmədli