Suzuki avtomobil şirkəti Qırmızı dənizdəki vəziyyətlə əlaqədar logistika kəsildiyi üçün Macarıstandakı avtomobil yığma zavodunda bir həftəlik fəaliyyətini dayandırır. 

Valyuta.az xəbər verir ki, bu barədə Nikkei qəzeti məlumat yayıb.

Qeyd edilir ki, buna Qəzza zolağında Fələstin-İsrail münaqişəsinin kəskinləşməsindən sonra mühərriklər də daxil olmaqla, Yaponiyada istehsal olunan hissələrin müəssisəyə tədarükü husilərin İsraillə əlaqəli olan gəmilərin Qırmızı dəniz və Bab əl-Məndəb boğazı sularından keçməsinə icazə verməməklə bağlı hədələməsindən sonra pozulub. 

Suzuki-nin Macarıstandakı yığma zavodu ötən il 142 min avtomobil istehsal edib. O, Vitara və S-Cross krossover modellərini istehsal edir. Yanvarın 15-dən 21-dək müəssisənin fəaliyyəti dayandırılıb.

Qeyd edək ki, Qəzza zolağında Fələstin-İsrail qarşıdurmasının şiddətlənməsindən sonra Yəmən husiləri İsrailə zərbələr endirəcəklərini və əməliyyat başlanana qədər əlaqəli gəmilərin Qırmızı dəniz və Bab əl-Məndəb boğazından keçməsinə icazə verməyəcəklərini bildiriblər. ABŞ Mərkəzi Komandanlığının hesablamalarına görə, husilər keçən il noyabrın ortalarından bəri Qırmızı dənizdə 20-dən çox mülki gəmiyə hücum edib.

Nicat