"Apple" bəzi "iPhone" cihazlarını qəsdən yavaşlatdığını etiraf edərək müəyyən smartfonlar üçün 500 milyon dollarlıq cəriməni ödəməyə başlayıb.

Valyuta.az xəbər verir ki, 2017-ci ildə “Batterygate” qalmaqalı kimi tarixə düşən hadisədə bir çox insan bunun istifadəçiləri son model "iPhone" cihazlarını almağa məcbur etmək cəhdi olaraq qiymətləndirirdi. Şikayət edən üç milyon xüsusi "iPhone" modelinin sahibləri təsirə məruz qalan hər model üçün 92 dollar ödəniş alacaqlar. 

Bildirilib ki, ödənişlər 21 dekabr 2017-ci il tarixinədək iOS 10.2.1 və ya daha yeni versiya ilə işləyən "iPhone 6", "6 Plus", 6s, "6s Plus" və SE sahibləri, iOS 11.2 əməliyyat sistemi ilə işləyən "iPhone 7" və ya "7 Plus" sahibləri üçün etibarlı olacaq. Benefisiarlar bu ay ödənişlərini almağa hazırlaşarkən, bəziləri artıq geri qaytarıldığını bildirdi.

"Apple" 2017-ci ildə etiraf etmişdi ki, batareya çox köhnəldikdə, smartfonlarının performansını bilərəkdən aşağı salır. Elektron cihazların işini qiymətləndirən bir istehlakçı nəzarəti orqanı, batareyanın ömrünün azalmağa başladığı üçün köhnə modellərin emal gücünün məhdudlaşdırıldığını aşkarlamış və bu hiddətə səbəb olmuşdu.

"Apple"ın 'batareya qalmaqalı' təkcə ABŞ-da baş vermədi; Şirkət Kanada və Böyük Britaniyada eyni iddialara görə təzminat ödəməyə razılaşıb.

Hadisədən təsirlənən bəzi "iPhone" istifadəçilərinə 92 dollar ödəniş edilib.

Elmir