"Xiaomi"nin ilk avtomobili olan SU7 sedanının istehsalı və satışı 2024-cü ilin birinci yarısında başlayacaq. 

Valyuta.az xəbər verir ki, bu barədə varnewschina.com məlumat yayıb.

"Xiaomi SU7"nin uzunluğu 4900 mm, eni 1900 mm və hündürlüyü 1400 mm, oxlar arasındakı məsafə isə 3000 mm-dir. Modelin xüsusiyyətlərindən biri avtonom idarəetmə sistemində kömək edən lidarın olmasıdır. Kompüter görmə sistemi ön şüşənin arxasında yerləşir və yan sütunda kamera quraşdırılıb. Avtomobil həmçinin sifətin tanınması kilidini açmağı dəstəkləyir.

Modifikasiyadan asılı olaraq, SU7 üç "Xiaomi" markalı mühərrikdən birini ala bilər: "Super Motor V6" (299 at gücü), "Super Motor V6s" (374 at gücü) və ya "Super Motor V8" (578 at gücü). Beləliklə, "Super Motor V8"ə malik SU7 versiyası 265 km/saat sürət yığa bilir, 0-dan 100 km/saat sürətlənmə isə 2,78 saniyə, enerji ehtiyatı 800 km-dir.

Paşa Məmmədli