“Ölkədə emal sənayesinin inkişafı üçün ilk öncə xammal mənbəyi olmalıdır” .

Bunu Valyuta.az-a iqtisadçı, Sosial Araşdırmalara Yardım İctimai Birliyinin sədri Eyyub Kərimli ölkədə emal sənayesinin inkişaf etdirilməsi haqqında danışarkən deyib. 

Eyyub Kərimli deyir ki, emal sənyesinin müəyyən istiqamətlərdə inkişafı üçün bizdə xammal var:

“Məsələn, kənd təsərrrüfatı sahəsində bu özünü daha qabarıq biruzə verir. Bəzən tarlalarda, bostanlarda, sahələrdə meyvələrin, tərəvəzlərin xarab olmasını, atılmasını müşahidə edirik.

 Lakin emal sənayesi olsa, sözsüz ki, onlardan müəyyən konservləşdirilmiş məhsullar yaradıla bilər, qurudulmuş meyvə və tərəvəzlər hazırlana bilər. Hesab edirəm ki, emal sənayesinin yaradılması üçün münbit investisiya şəraiti yaradılmalı, investisiyalar tətbiq edilməli, sahibkarlar üçün güzəştli şərait yaradılmalı, güzəştli kreditlərin sayı, məbləği  artırılmalıdır.Bu halda sözsüz ki, ölkədə emal sənayesi daha çox inkişaf edəcək. 

İqtisadçı deyir ki, bəzi emal sənayesinin xammalı xaricdən gəlir:
“Xüsusi ilə buna diqqət ayrılmalı, vergi güzəştləri tətbiq edilməlidir. Çünki xammalın xaricdən gəlməsi yerli istehsalı daha çox rentabelli etmir. Bu sahəyə sahibkarların diqqətini də yönəltmək lazımdır. Bunun üçün də sənaye parklarının azad iqtisadi zonaların sayını da artırmaq lazımdır. Belə əraziləri isə əsasən sərhəd bölgələrində yaradaraq, bura xarici investisiya dəvət etmək lazımdır”.

Davud