Böyük Britaniyanın superkar istehsalçısı "McLaren" şirkəti yeni GTS modelini təqdim edib. 

Valyuta.az xəbər verir ki, əvvəlki "McLaren GT" ilə müqayisədə yeni məhsul daha yüngül kuzova və artan mühərrik gücünə malikdir.

Avtomobil əvvəlki modellə eyni karbon lifli monokok əsasında hazırlanıb. Eyni zamanda, GTS üçün "McLaren" dizaynerləri bütün əsas parametrləri təkmilləşdirdilər. Yeni məhsul 10 kq yüngül və 14 at gücünə malikdir, sələfindən daha güclüdür. GTS maksimum 635 at gücü hasil edən iki turbomühərrikli V8 mühərriki ilə təchiz edilib. Mühərrik 7 pilləli iki muftalı avtomatik transmissiya ilə birləşdirilib.

Avtomobil yeni ön bamper və arxa qanadlarda daha yüksək hava girişləri alıb. Opsiyon olaraq idman egzoz sistemi mövcuddur. Superkar sələfi kimi 100 km/saat həddinə 3,2 saniyəyə sürətlənir. Eyni zamanda, mühəndislər sürətlənmə sürətini 200 km/saata çatdırmağa nail olublar - avtomobil bu göstəriciyə 8,9 saniyəyə çata bilir. Avtomobilin maksimal sürəti 326 km/saatdır.

Paşa Məmmədli