Çində yaxınlarını itirən insanlar texnologiya şirkətlərinin süni intellektlə dəstəklənən proqram təminatı sayəsində yenidən onlara qovuşur.

Valyuta.az xəbər verir ki, ölkədəki süni intellekt şirkətlərindən biri olan "Super Brain"in qurucusu Zanq Zevey, açıqlamasında “Çin süni intellekt texnologiyasına gəldikdə qlobal liderdir. Çində bu proqramlara ehtiyacı olan bir çox insan var. Bu, bizə üstünlük verir" - sözlərini söyləyib. 

Şirkət istənilən şəxsin avatarını 20 gün ərzində 10-20 min yuan arasında dəyişən qiymətlərlə istehsal edir. Şirkətin müştəriləri arasında mərhumun qohumları, uşaqları ilə vaxt keçirə bilməyən valideynlər, hətta keçmiş sevgilisinin avatarını düzəldənlər də var. 

İşlərinin bir çox insanın emosional ehtiyaclarını qarşıladığını ifadə edən Zanq, "Birinin rəqəmsal versiyası bədəni yox olduqdan sonra belə sonsuza qədər mövcud ola bilər" - deyib.

Oğlu Şunamonu 22 yaşında itirən ata Sikoo Vu da avatar hazırlamaq üçün "Super Brain"lə əməkdaşlıq edənlər arasındadır. Sikoo oğlunun məzarını ziyarət edərkən mobil telefonunu çıxarır və Şunamonun danışan avatarına qulaq asır. Süni intellekt texnologiyasına diqqət yetirən Çində yerləşən "Silicon Intelligence" şirkətinin qurucusu Sima Hupenq avatarların humanizm anlayışında yeni zəmin yaradacağını bildirib. 

Elmir