237 manatlıq yeni "Redmi" təqdim edildi (FOTOLAR)
"Xiaomi" "MediaTek Dimensity 6100+" çipi ilə 999 yuana (təxminən 237 manat) büdcəli "Redmi 13R 5G" smartfonunu təqdim edib.
Valyuta.az xəbər verir ki, bu barədə "GSMArena" portalı məlumat yayıb.
"Redmi 13R 5G" HD+ həlli, 90Hz yeniləmə tezliyi və 600 nits pik parlaqlığı olan 6,74 düymlük IPS ekrana malikdir. Temperlənmiş "Corning Gorilla Glass"ın mövcudluğu da bildirilir, lakin istifadə olunan nəsil göstərilmir.
Cihazın performansı maksimum 2,2 GHz takt tezliyi, 4 GB RAM və 128 GB daimi yaddaşa malik "Dimensity 6100+" çipi ilə təmin edilir.
50 meqapiksel təsvir ölçülü əsas kamera 0,8 meqapiksellik köməkçi sensorla tamamlanır. Ön tərəfdə 5 meqapiksellik selfi kamerası var.
Yeni məhsul 18 Vt doldurma dəstəyi ilə 5000 mAh batareya alıb. Eyni zamanda smartfonla birlikdə qutuya 10 Vt-lıq doldurma bloku yerləşdirilib.
Digər xüsusiyyətlər arasında 5G şəbəkələri, iki SİM kart və microSD yaddaş kartları üçün dəstək var. "Redmi 13R 5G" həmçinin qulaqlıq yuvası, FM radio dəstəyi və ekranda olan barmaq izi skaneri ilə təchiz edilib.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
