“Eyni məhsul, məsələn pomidor, kartof  hansısa ölkəyə gedir, amma həmin ölkələr arasında  münasibətlər pisləşən kimi yada düşür ki, məhsullarda xəstəlik varmış. Bunun özü də bir sualdır, amma təsəvvür edək ki, hər şey düzdür, məhsullar yararsızdır və Azərbaycan marketlərində onların satışı təşkil olunur. Bu bir başa  həmin marketlər şəbəkələrinin qanunu pozmasıdır”.

Bunu Valyuta.az-a açıqlamasında iqtisadçı ekspert Xalid Kərimli deyib. Ekspert bildirib ki, yararsız qidaların vətəndaşlara satılması bir başa qanunların pozulması kimi qiymətləndirilir:

“At və digər ölmüş heyvanların ətini dönərxanalara verib satırlar. Bunların hər biri qanunsuzdur və cinayətdir. Vətəndaşın səhhətinə, sağlamlığına zərər vuran hər bir məhsul, qida cinayət tərkibli məsələlərdir”. 

İqtisadçı bu məsələ ilə bağlı aidiyyatı qurumlarda böyük qüsurların olduğunu önə çəkib:

“Bu məsələ Qida və Təhlükəsizlik Agentliyinin nəzarətində olmalıdır ki, bu kimi məhsullar vətəndaşa satılmasın. Eyni zamanda market sahibləri də məsuliyyətli olmalıdır. Qida Təhlükəsizlik Agentliyi bu sahədə inzibati orqandır. İkincisi, Rusiya və digər ölkələrdən geri qaytarılan məhsulların satışa və qidaya yararsız olub-olmaması başqa məsələdir”.

Aylin