Almaniyanın "Porsche" şirkəti "Panamera Sport Turismo"nun istehsalını və satışını dayandırıb. 

Valyuta.az xəbər verir ki, bu barədə motor1.com məlumat yayıb.

Model artıq istehsal olunmayacaq. "Panamera Sport Turismo"nun zəif tələbat səbəbindən istehsalı dayandırıldığı qeyd edilir. Modelin ümumi satışların 10%-dən azını təşkil etdiyi, bunun da "Porsche"nin onun istehsalına davam etməmək qərarının səbəb olduğu bildirilir.

"Panamera Sport Turismo" ilk dəfə 2017-ci ildə təqdim edilib və 2020-ci ildə restaylinq edilib.

"Porsche" bundan əvvəl üçüncü nəsil "Panamera" modelini təqdim edib. Avtomobillər 2024-cü ilin martında satışa çıxarılacaq. Modelin əsas versiyası 353 at gücünə malik 2,9 litrlik V6 turbo mühərriklə təmin edilib. Bundan əlavə, modeli hibrid güc aqreqatı ilə sifariş etmək olar.

Avropada əsas "Porsche Panamera"nın qiymətləri 107,8 min avrodan, hibrid versiyanın qiyməti isə 192,5 min avrodan başlayacq.

Paşa Məmmədli