"Samsung" öz smartfonları üçün "One UI 6.0" özəl qabıq yeniləməsini təqdim edib. Bununla belə, bəzi istifadəçilər proqramın yeni versiyasını quraşdırdıqdan sonra cihazlarının ekranlarının yanmağa başladığını müşahidə ediblər.

Valyuta.az xəbər verir ki, bu barədə iXBT portalı məlumat yayıb.

Qeyd olunur ki, ekranın yanması adətən proqram səhvləri ilə deyil, fiziki problemlərlə bağlıdır. Bununla belə, bu halda səbəb AMOLED ekranlarında “şəklin saxlanması”nın yaranmasının qarşısını alan "Pixel Shift" texnologiyasının söndürülməsidir. Bu texnologiya piksel yükünü bərabər paylamaq və ekranın ömrünü uzatmaq üçün təsviri kiçik intervallarla dəyişdirir.

İstifadəçilər müəyyən ediblər ki, "Pixel Shift" "One UI 5.0"da düzgün işləyir, "One UI 6.0"da isə sadəcə olaraq deaktiv edilib. Bu, aparılan sınaqla təsdiqlənib.

"Samsung" hələ ki, bu məsələ ilə bağlı şərh verməyib. Görünür, siz "Pixel Shift" funksiyasını özünüz aktivləşdirə bilməzsiniz. Bu qüsurun növbəti "One UI" yeniləməsində aradan qaldırılacağı gözlənilir.

Paşa Məmmədli