"Audi" sonuncu TT avtomobilini buraxdı (FOTO)
"Audi" 25 illik istehsaldan sonra TT seriyasının istehsalını dayandırıb.
Valyuta.az xəbər verir ki, bu barədə "Motor1" yazır.
Kupenin sonuncu nüsxəsi şirkətin Gyor şəhərindəki (Macarıstan) zavodunda yığılıb.
"Audi" TT prototipi ilk dəfə 1995-ci ildə Frankfurt Beynəlxalq Avtomobil Sərgisində təqdim edilib və kupe modelinin kütləvi istehsalına 1998-ci ilin fevralında başlanılıb. Bir il sonra TT xəttində rodster peyda olub. İstehsal zamanı avtomobil üç nəsil keçib, modelin ümumi tirajı demək olar 662,8 min avtomobil təşkil edir.
Üçüncü nəsildə "Audi" TT modul MQB platformasına əsaslanırdı ki, bu da "Volkswagen Golf" və "Skoda Octavia"nın əsasını təşkil edir.
İstehsalını dayandırmazdan əvvəl, model ABŞ və Böyük Britaniya bazarları da daxil olmaqla bir neçə xüsusi vida versiyalarında buraxılıb.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
