İqtisadi Zonaların İnkişafı Agentliyinin nəzdində fəaliyyət göstərən Peşə Təhsil Mərkəzinə yeni direktor və direktor müavini təyin edilib. 

Valyuta.az-ın məlumatına görə, Bağırov Kənan Mərkəzin direktoru, Mehman Abduləzizov isə direktor müavini təyin edilib.

Xatırladaq ki, bu təyinata qədər Mərkəzin direktor vəzifəsinin səlahiyyətlərini İlahə Abbaszadə icra edirdi.

İqtisadi Zonaların İnkişafı Agentliyi Azərbaycan Prezidenti İlham Əliyevin “Sənaye parklarının, sənaye məhəllələrinin və aqroparkların idarə edilməsinin təkmilləşdirilməsi ilə bağlı tədbirlər haqqında” 22 yanvar 2021-ci il tarixli 1257 nömrəli fərmanı ilə “Sumqayıt Kimya Sənaye Parkı” MMC-nin əsasında publik şəxs kimi yaradılıb.  İqtisadi Zonaların İnkişafı Agentliyi 2021-ci 28 dekabr taixində dövlət qeydiyyatına alınıb. Hazırda Agentliyin idarəçiliyində 6 sənaye parkı, 4 sənaye məhəlləsi, 51 aqropark və Peşə Təhsil Mərkəzi fəaliyyət göstərir.

Abbas