BYD rəsmi olaraq yeni krossover "Fang Cheng Bao Bao 5"i təqdim edib.

Valyuta.az carnewschina.com-a istinadən xəbər verir ki, Çində avtomobilin qiyməti 289,8 mindən 352,8 min yuana qədər olacaq (təxminən 67,7-82,4 min manat).

Model yeni DM-o (Dual Mode Off-road) platformasında qurulub. Avtomobilin uzunluğu təxminən 5 metr, təkər bazası isə 2,8 metrdir. Avtomobilin salonunda üç böyük ekran var - sürücü və ön sərnişinin qarşısında iki 12,3 düymlük ekran və mərkəzdə bir 15,6 düymlük məlumat-əyləncə sisteminin ekranı.

Krossover 195 at gücü hasil edən 1,5 litrlik benzin mühərrikindən ibarət hibrid güc aqreqatı ilə təchiz edilib və iki dartma elektrik mühərriki var (hər oxda bir). "Fang Cheng Bao Bao 5"in güc ehtiyatı 1200 km-dir. Krossover 0-dan 100 km-ə 4,8 saniyəyə yığır. 100 km-ə yanacaq sərfiyyatı 7,8 litrdir.

Paşa Məmmədli