Tokioda keçirilən "Japan Mobility Show"da "Lexus" şirkəti LF-ZC konsept avtomobilini nümayiş etdirib.

Valyuta.az xəbər verir ki, avtomobil yeni nəsil BEV platformasında qurulub, onun kütləvi istehsalına başlanması 2026-cı ilə planlaşdırılır. 
Modernləşdirilmiş platforma əsas komponentlərin sayını azaltmaqla yeni avtomobillərin yığılması imkanlarını genişləndirmək üçün nəzərdə tutulub.

LF-ZC aşağı ağırlıq mərkəzinə, geniş interyerə və funksionallıq və estetikanı birləşdirən emosional zəngin dizayna malikdir. Avtomobil tam ötürücülü və sükan çarxı ilə təkərlər arasında mexaniki əlaqə olmadan məftillə idarə olunacaq.

Konseptlə yanaşı, avtomobilin funksiyalarının zamanla yenilənməsinə imkan verən yeni proqram platforması debüt edib. Dinamik və idarəetmə parametrləri kimi əsas xüsusiyyətlər də düzəlişlərə məruz qalır. Düz döşəmə və panoramik dam salonda genişlik hissi yaratmaq üçün nəzərdə tutulub.

Paşa Məmmədli