Yaxın gələcəkdə "Apple" öz cihazlarında generativ "AI Ajax" əsasında ChatGPT-nin öz analoqunun hazırlanmasına və tətbiqinə təxminən bir milyard dollar xərcləyəcək. 

Valyuta.az xəbər verir ki, bu barədə "Bloomberg"in jurnalisti Mark Qurman özünün "Power On" bülletenində məlumat verib.

Qurmanın sözlərinə görə, süni intellektin inkişafı və inteqrasiyasına cavabdeh olan bölməyə Con Cannandrea, Krayq Federix və Eddi Kue rəhbərlik edir. Cannandrea bu layihədə aparıcı rol oynayır, çünki o və komandası əsas süni intellekt texnologiyalarını yaradır və həmçinin neyron şəbəkə ilə qarşılıqlı əlaqə yaratmaq üçün Siri-ni modernləşdirir. Federixin komandası seçilmiş süni intellekt xüsusiyyətlərinin iOS-un növbəti versiyasına inteqrasiyasına cavabdehdir. Q qrupu "Apple Music", "Pages", "Keynote" və s. kimi iOS proqramlarına süni intellekt əlavə etmək üzərində işləyir.

Qurman yazır ki, hazırda "Apple"da süni intellektin cihazlarda necə tətbiq olunacağı ilə bağlı müzakirələr gedir. Bulud hesablamalarından istifadə ediləcəkmi, yoxsa emal smartfon, planşet və kompüterlərin standart prosessorları tərəfindən qəbul ediləcək? Jurnalist istisna etmir ki, sonda tərtibatçılar bəzi tapşırıqların avtonom şəkildə yerinə yetirildiyi, digərlərinin isə uzaq serverdə yerinə yetirildiyi hibrid ssenariyə gələcəklər.

"Bloomberg" xəbər verir ki, "Apple" "Microsoft" və ChatGPT, eləcə də "Google" və "Bard"ın uğurlarından ehtiyatsız qalıb. Şirkət sürətlə inkişaf edən tendensiyaya vaxtında reaksiya verməmələrini böyük səhv hesab edir.

Paşa Məmmədli