İsveçrənin əczaçılıq nəhəngi “Roche” biotexnoloji şirkəti “Telavant Holdings”i 7 milyard dollara satın alır.

Valyuta.az xəbər verir ki, bu barədə "Roche"nin saytında məlumat -23 verilir.

“Telavant Holdings” mədə-bağırsaq traktının iltihabi xəstəliklərinin müalicəsi üçün yeni tədqiqat preparatının patentinə malikdir.

“Roche” müqavilənin bir hissəsi olaraq ABŞ və Yaponiyada eksperimental RVT-3101 dərmanını hazırlamaq, istehsal etmək və satmaq hüququna sahib olacaq. Bu ölkələrdən kənarda RVT-3101-in kommersiya hüquqları “Pfizer”ə məxsusdur.

Bu gün dərman klinik sınaqların son mərhələsinə hazırdır. O, xoralı kolit və Crohn xəstəliyi kimi xəstəliklərin müalicəsi üçün nəzərdə tutulub. “Roche” dərmanın potensial olaraq bir çox başqa xəstəliklərin müalicəsində istifadə oluna biləcəyinə inanır.

“Telavant” “Pfizer” və “Roivant Sciences” şirkətlərinə məxsus olub. Sonuncu 2014-cü ildə Respublikaçılar Partiyasının praymerizlərində ABŞ prezidentliyinə potensial namizəd kimi iştirak edən Vivek Ramasvami tərəfindən təsis edilib.

Nicat