"Bu işdən zərəçəkmiş şəxslər hava limanını məhkəməyə verib dəyən zərəri tələb edə bilər".

Bunu Valyuta.az-a açıqlamasında vəkil Səməd Vəkilov eyni aviabiletin bir neçə şəxsə satılması nəticəsində dəyən ziyanın aradan qaldırılmasından danışarkən deyib. 

Ekspert bildirib ki, vətəndaş ona vurulan maddi-mənəvi zərərə görə kompensasiya tələb edə bilər. Səməd Vəkilovun fikrincə, eyni aviabiletin bir neçə şəxsə satılması inandırıcı deyil:

"Çünki bilet satıldıqca elektron sistemdən çıxarılır".

Vəkil Əkrəm Həsənov isə qeyd edib ki, belə hallar yaranarsa, həmin aviaşirkət vətəndaşa kompensasiya ödəməlidir:

"İlk olaraq vətəndaşın pulunu qaytarmalıdır, ona dəyən maddi-mənəvi zərəri ödəməlidir. Vətəndaş gərək maddi zərəri sübut etsin. Mənəvi zərəri vətəndaş özü qiymətləndirib, sonra da tələb etməlidir".

Aylin