2023-cü ilin yanvar-sentyabr aylarında Azərbaycandan neft bitumu tədarükü 2022-ci ilin analoji dövrü ilə müqayisədə 1 623 ton olub.

Valyuta.az  xəbər verir ki, bu barədə Azərbaycan Respublikası Dövlət Gömrük Komitəsinin hesabatında məlumat verilir.

Beləliklə, ixracın həcmi ötən ilin analoji dövrü ilə müqayisədə 55 dəfə azalıb.

İxracın dəyəri 2022-ci ilin doqquz ayındakı təqribən 25,4 milyon dollardan 404 min dollara düşməklə təqribən 63 dəfə azalma nümayiş etdirib.

Qeyd edək ki, 2022-ci ilin yanvar-sentyabr aylarında Azərbaycandan xam neft və neft məhsulları ixracının həcmi bu ilin yanvar-sentyabr aylarında 2022-ci ilin analoji dövründəki 19,5 milyon tonla müqayisədə 2,05 faiz artaraq, təqribən 19,9 milyon tona çatıb.

Hesabat dövründə Azərbaycanın ümumi ixrac həcmində xam neft və neft məhsullarının payı ötən ilki 50,46 faizlə müqayisədə 45,79 faiz olub.

Qeyd edək ki, Azərbaycan nefti qonşu ölkələrə və dünya bazarına üç boru ilə - Bakı-Novorossiysk, Bakı-Supsa və Bakı-Tbilisi-Ceyhan (BTC) boru kəmərləri ilə nəql olunur. Hazırda Bakı-Supsa boru kəməri ilə nəql dayandırılıb.

Bundan başqa, neft dəmir yolu ilə Gürcüstanın Batumi və Kulevi terminallarına ixrac olunur.

© Trend