“Duty Free Shoppers” şirkətinin yaradıcısı olan və xeyriyyəçiliyə təxminən 8 milyard dollar xərcləyən amerikalı iş adamı Çak Fini 93 yaşında vəfat edib.

Valyuta.az xəbər verir ki, bu barədə “Forbes” jurnalı xeyriyyə fonduna istinadən məlumat yayıb.

Qeyd edilir ki, iş adamı ilk dəfə 1988-ci ildə “Forbes”in ən zəngin amerikalılar siyahısına düşüb. O zaman onun sərvəti 1,3 milyard dollar qiymətləndirilirdi, lakin sonradan məlum oldu ki, Fini kapitalının böyük hissəsini gizli şəkildə xeyriyyə fonduna köçürüb. Ondan gələn vəsait səhiyyəyə, elmi tədqiqatlara və insan hüquqlarının müdafiəsinə yönəldilib.