"Xiaomi Group" Çinin prezidenti və "Redmi" şirkətinin baş direktoru Lu Veybin oktyabrda şirkətin yeni flaqmanlarının təqdimatı barədə eyham vurublar.

Valyuta.az xəbər verir ki, bu barədə "MyDrivers" portalı məlumat yayıb.

Lu Veybin "Weibo" sosial şəbəkəsində yazıb: "Oktyabr çox maraqlı olacaq". 

Çin mediası bunu "Xiaomi 14" flaqman smartfonlarının qarşıdan gələn təqdimatı üçün tizer kimi qəbul edib.

Şayiələrə görə, qurğular yeni "Snapdragon 8 Gen 3" çipinin elan ediləcəyi "Qualcomm" konfransından dərhal sonra təqdim edilməlidir. Tədbir oktyabrın 24-dən 26-na kimi baş tutacaq.

Güman edilir ki, "Xiaomi 14" və "Xiaomi 14 Pro" "Qualcomm"un yeni platformasında ilk smartfonlar olacaq. Həmçinin məlumdur ki, yeni "Xiaomi" flaqmanları ən incə çərçivələrə malik ekran təqdim edəcək, onun qalınlığı söz-söhbətlərə görə, cəmi 1 mm olacaq.

Smartfonlar həmçinin üçqat 50 meqapiksellik kameraya sahibdirlər. Pro versiyasındakı sensorlardan biri "iPhone 15 Pro Max" kimi 5x optik zumlu telefoto obyektiv olacaq. Əsas model 3,9x-ə qədər böyütmə qabiliyyətinə malik telefoto obyektivlə təchiz ediləcək.

Paşa Məmmədli