Çempionlar Liqasında İngiltərədə səfərdə "Mançester Yunayted"i məğlub edən "Qalatasaray" ciddi gəlirin sahibi olub.

Valyuta.az xəbər verir ki, Çempionlar Liqasının A qrupunun ikinci matçında səfərdə "Mançester Yunayted"i 3-2 məğlub edən "Qalatasaray" gəlirlərini artırmağa davam edir. İlk matçında "RAMS Park"da "Kopenhagen"lə 2-2 bərabərə qalan və xəzinəsinə 930 min avro qoyan sarı-qırmızılı komanda "Mançester Yunayted" üzərindəki qələbədən sonra daha bir ciddi gəlir əldə edib.

"Aslanlar" İngiltərə nəhəngini məğlub etməklə gəlirlərini daha 2,8 milyon avro artırıb. Bu da klubun qrup matçlarında gəlirini 3 milyon 730 min avroya çatdırması anlamına gəlir. 

Qruplara vəsiqə qazanmağı bacaran və iştirak payından 15,6, bazar payından 1,5 və əmsal payından doqquz milyon 96 min avro qazanan "Qalatasaray" ümumi gəlirini 29 milyon 960 min avroya çatdırıb. UEFA Çempionlar Liqasında qruplarda qələbəyə görə mükafat 2,8 milyon avrodur. 

“Qalatasaray” ÇL-də “Kopenhagen”lə yanaşı, “Mançester Yunayted” və “ Bavariya” ilə mübarizə aparacaq. Komanda qrupda ilk iki pillələrdən birini tutaraq növbəti mərhələyə adlayarsa, qələbə və heç-heçə bonuslarından əlavə daha 9,6 milyon avro qazanacaq.

Ümumilikdə UEFA-nın bu mövsüm Çempionlar Liqasında paylayacağı pul mükafatlarının məbləği aşağıdakı kimidir:

Qruplarda iştirak: 15.64 milyon avro
Qruplarda qalibiyyət: 2.8 milyon avro
Qruplarda heç-heçə: 930 min avro
Əmsal bir pay: Bir milyon avro
1/8 final mərhələsində iştirak: 9.6 milyon avro
1/4 final mərhələsində iştirak: 10.6 milyon avro
Yarımfinalda iştirak: 12.5 milyon avro 
Yekun iştirak: 15.5 milyon avro
Çempion: 4.5 milyon avro

Elmir