Alimlər siqareti tərgitməyin ən təsirli üç yolunu müəyyən ediblər

Valyuta.az xəbər verir ki, yeni, hərtərəfli araşdırmadan sonra siqareti buraxma üsulları arasında ən uğurluları müəyyən edilib. Araşdırmaya görə, vareniklin və sitizin, həmçinin nikotin dərmanları siqareti tərgitmənin ən təsirli üsullarıdır. Oksford Universitetinin ictimai səhiyyə alimi Cemi Hartmann-Boyse və həmkarları iştirakçıların ən azı altı ay ərzində siqareti tərgitmə səylərini izləyən 319 araşdırmanı nəzərdən keçirib. Bu proses zamanı 157 min 179 adam izlənilib. Siqaretin asılılıq yaradan əsas tərkib hissəsi olan nikotin ən çox istifadə edilən maddələrdəndir. O, həm də dünyada ən çox asılılıq yaradan üçüncü maddədir. Çünki beyinə güclü təsir edir. Məlumatlar göstərir ki, kömək olmadan 100 nəfərdən yalnız altısı siqareti uğurla tərgitmək şansına malikdir.

Vareniklin və sitozin tərəfindən nikotin reseptorları aktivləşdirildikdə beyin, dopamin ifraz edir. Eyni zamanda nikotin onların aktivləşməsinin qarşısını almaqla da işləyir. Araşdırma nəticəsində məlum olub ki, iki dərmanın effektivliyi demək olar ki, eynidir. Alimlərə görə, bu üsullarla siqareti tərgitməyə çalışan insanların təxminən 14 faizi altı ay və ya daha çox müddətdə müvəffəqiyyət qazanır.

Növbəti ən təsirli strategiya , nikotin yamaqları, saqqız və ya şirin həblər kimi nikotinəvəzedici terapiyadır (NRT). Oksford Universitetindən tədqiqatçı Nikola Lindson açıqlamasında, "Yamaq və ya saqqız kimi NRT-nin tək bir formasından istifadə etməsi az sayda insanın siqareti tərgitməsinə imkan verdi" - sözlərini söyləyib.  Araşdırmaya görə, NRT-nin hər iki formasından istifadə edən 100 nəfərdən təxminən 12-si müvəffəqiyyətli olduğu halda, onun yalnız bir formasından istifadə edən 100 nəfərdən cəmi doqquzu siqareti buraxa bilib. 

Həmçinin nikotinin tədricən azaldılmasının qəfil dayanmaqdan daha təsirli olduğu bildirilib.

“Cochrane Database of Systematic Reviews” akademik jurnalında dərc edilən məqaləyə görə, bir insanın siqareti buraxmazdan əvvəl, yaxud sonra nikotin müalicəsinə başlaması və ya qəbul etdiyi doza effektiv deyil.

Elmir