Pertşir əyalətindəki Bler qəsrinin zirzəmisində 40-a yaxın şüşə viski aşkar edilib. Ehtimal olunur ki, Kraliça Viktoriya gəncliyində qalaya gələndə onun dadına baxaraq, yerli viski və bal qarışığı olan “Atholl Brose”ə aşiq olub.

Valyuta.az xəbər verir ki, viskinin 1833-cü ildə distillə edildiyi, 1841-ci ildə qablaşdırıldığı və 1932-ci ildə yenidən şüşələrə doldurulduğu güman edilir.

24 şüşə içki satmağı planlaşdıran “Whiskey Auctioneer” hər lotun dəyərini təxminən 10.000 funt sterlinq qiymətləndirib.

Hərracın baş kuratoru Co Vilson auksionu "həyatda bir dəfə baş verən hadisə" və "dünyanın ən qədim şotland viskisini" almaq imkanı adlandırıb.

Sky Newsun məlumatına görə, hazırda yaşayan ən azı bir nəfər bu içkini dadıb.

Bu, köhnə və nadir viskilər üzrə mütəxəssis Angus Makrailddır. O, içkinin “19-cu əsr viskisinə xas olan güclü müalicəvi dadı olduğunu söylədi. O, həmçinin elit skotçaya xas olan torf aromasından tamamilə məhrumdur”.

Hərrac noyabrın 24-dən dekabrın 4-dək keçiriləcək.

Nicat