X (Twitter) baş direktoru Linda Yakkarino hesab edir ki, sosial şəbəkə 2024-cü ilin əvvəlində gəlir əldə edə bilər.

Valyuta.az xəbər verir ki, bu barədə "Reuters" yazır.

Linda Yakkarino 100 gündən artıqdır ki, X şirkətinin baş direktorudur. O, son 12 həftə ərzində platformaya təxminən 1500 reklamçının qayıtdığını və şirkətin ən yaxşı 100 reklamçısının 90%-nin geri qayıtdığını söyləyib.

“Yakkarinonun şirkətin gələn il qazanc əldə edə biləcəyi ilə bağlı iddialarına baxmayaraq, X, həmçinin ofislərinin kirayəsini və işdən çıxarılan minlərlə işçiyə milyonlarla dollarlıq işdən çıxma təzminatını ödəmədiyi iddiası ilə bir sıra məhkəmə iddiaları ilə üzləşir”, - deyə məlumatda bildirilir. 

İlon Mask sosial şəbəkəni oktyabr ayında əldə etdikdən sonra, X, tədqiqatçılar və fəal qruplar nifrət dolu yazıların artdığını bildirdikləri üçün uyğun olmayan məzmunun yanında görünməkdən çəkinən reklam verənləri əldə saxlamağa çalışır.

Əlavə edək ki, X-də antisemit məzmun son həftələrdə diqqət mərkəzində olub. İlon Mask antisemitizmlə mübarizə aparan qeyri-kommersiya təşkilatını ABŞ-da X reklam gəlirinin 60% azalmasına səbəb olmaqda günahlandıraraq, Anti-Diffamasiya Liqasına qarşı məhkəmə tədbirləri ilə hədələyib.

Xatırladaq ki, əvvəllər bildirildiyinə görə, bütün X (Twitter) istifadəçiləri platformaya daxil olmaq üçün çox güman, ödəniş etməli olacaqlar.

Nicat