Yoluxucu xəstəliklər mütəxəssisi, professor Bülənt Ərtoğrul NTV-də "X" virusu və virus infeksiyaları ilə bağlı danışarkən bildirib ki, yeni pandemiyanın olması gözləniləndir: Onun sözlərinə görə, əslində, “X” adlandırdığımız virus hələ yoxdur, amma yarana bilər. Biz buna hazır olmalıyıq.

Bəs pandemiya ilə bağlı yenidən hər gün eşitdiyimiz belə məlumatlar insan psixologiyasına necə təsir edir?

Valyuta.az məsələni professor Adil Qeybulla ilə müzakirə edib. 

Professor bildirib ki, burda əsas məsələ insan taleyidir:

“Pandemiya ilə bağlı verilən açıqlamaların insanın psixoloji sağlamlığına təsir edib-etməyəcəyindən asılı olmayaraq, bu cür faktlar deyilməlidir ki, insanlar məlumatlı olsun. Bu xəsətliklərin qarşısının alınması üçün lazımi tədbirlər görülməlidir. Ölkələr daha diqqətli olmalıdır. Həmin məlumatların kiminsə psixologiyasına təsir etməsindən daha çox, burda yüzlərlə, minlərlə, milyonlarla insanın taleyindən söhbət gedir”.

“X” adlandırlan virus haqqında da danışan həkim bildirib ki, müxtəlif xəsətəliklər var bə onlar Dünya Səhiyyə Təşkilatının reysterində ilk yerlərdədir:

“Bunların bir qrupu karantin infeksiyalarıdır. Vəba, taun, sarı qızdırma, təbii çiçək karantin infeksiyasına daxildir. Bir qrup isə prioritet xəstəliklər qrupuna aiddir. Bunlar isə Ebola, Konqo və Lassa qızdırması, Orta Şərq respiratoru xəstəliyi, Mers dediyimiz koronovirusun bir növüdür. Bunlara ona görə priritet xəstəliklər deyilir ki, onlar dərhal lokallaşdırılmalıdır. Həmin “X” patoneginin yaratdığı xəstəlik də bu prioritet xəstəliklər qrupuna aiddir. Bu xəstəlik yayılsa, lokallaşdırmaq mümkün olmasa, pandemiya yarada bilər. Çünki sürətlə yayılma qabiliyyətinə malikdir. Böyük insan tələfatına səbəb ola bilər”.

Davud