“Dünyada baş verən geosiyasi gərginlik təhlükəsizlik, etimad və təminatlıq baxımından dolların nüfuzunu daha da artırır. Belə məqamlarda hamı dollar almağa üstünlük verir”.

Bunu Valyuta.az-a açıqlamasında iqtisadçı ekspert Əkrəm Həsənov dünya bazarında dolların bahalaşması səbəblərindən danışarkən deyib.  
Onun sözlərinə görə, dolların zəifləməsi və avronun bahalaşması müvəqqəti proseslərdir:

“Çünki dünyanın ən güclü ölkəsi ABŞ və ən güclü valyuta dollardır. Bu bir mənalı belədir. Avropada isə avro bir neçə dövlətlərin, bütün Avropa Birliyinə üzv olan ölkələrin iradəsindən asılıdır. Orada da daxili ziddiyətlər çoxdur”.

Əkrəm Həsənov hesab edir ki, dollar daim dəyişkən olacaq:

“Dollar möhkəm olaraq qalacaq. Avropa iqtisadiyyatı və siyasətinin bugünkü vəziyyəti birmənalı deyil. Bu baxımdan söhbət ondan getmir ki, dollar bahalaşır, digər valyutalar dollara nisbətdə ucuzlaşır, o cümlədən avro”.

Qeyd edək ki, dollar dünya bazarında yenidən möhkəmlənir. ABŞ pulu avroya nisbətən sadəcə son 1 ayda 4 faizə yaxın dəyər qazanıb. 

Aylin