Avstraliyalı jurnalist Kirsten Drisdal körpəsinə metamfetamin adlı narkotik maddəni təbliğ edən ad qoymaqla gündəmə gəlib.

Valyuta.az xəbər verir ki, Avstraliyanın ictimai yayımı ABC-də fəaliyyət göstərən jurnalist ölkəsində tətbiq olunan ad tənzimləməsini sınaqdan keçirmək üçün maraqlı üsuldan yararlanıb. ABC-nin "What the FAQ" verilişində Drisdal övladına "Methamphetamine" adını qoyduğunu deyib. O, Uelsin cənub-şərqindəki Doğum, Ölüm və Evlilik İdarəsinin saytına daxil olub, uşağının adının “Methamphetamine" kimi qeydə alınması üçün müraciət edib. Onun bu müraciəti düşündüyü kimi rədd edilməyib və təsdiq olunub.  

Həyat yoldaşını buna inandırmaq üçün çox çalışdığını bildirən jurnalist, "Metamfetamin" sözünü görən birinin bunu heç vaxt bəyənməyəcəyini düşündük, amma yanıldıq. Mən bu hekayəni gələcəkdə uşağıma mütləq danışacağam"" - ifadələrini işlədib. 

Sözügedən bölmənin özünü təqdim etməyən rəsmisi isə açıqlamasında, “Təəssüf ki, bu, qeyri-adi ad diqqətdən kənarda qalıb” - söyləyib və onun necə təsdiqləndiyi barədə ətraflı məlumat verməyib.

Drisdel daha sonra yenidən quruma müraciət edərək övladının adını dəyişib. Bununla belə, qurum nümayəndəsi rəsmi olaraq dəyişdirilməsinə baxmayaraq uşağın ilk adının praktika kimi sistemdə qalacağını deyib.

Elmir