Çin avtomobil istehsalçısı "Changan" 2024-cü il model ili üçün yenilənmiş krossover "CS55 Plus" təqdim edib. 

Valyuta.az xəbər verir ki, bu barədə carnewschina.com məlumat yayıb.

Bu modeldə qiymətlər 99 900 yuandan (təxminən 23 300 AZN - 13 760 dollar) başlayır.

Krossoverin uzunluğu 4539 mm, təkər bazası isə 2656 mm-dir. Salon beş nəfər üçün nəzərdə tutulub. Sürücü oturacağı elektriklə tənzimlənir. Üst səviyyə konfiqurasiyaya qızdırılan ön oturacaqlar və ikinci sıra qoltuqaltı daxildir.

Avadanlıqlara kondisioner, kruiz kontrol, lyuk, atmosfer daxili işıqlandırma, təcili əyləc sistemi, videoregistrator, parkinq sensorları, elektron əl əyləci daxildir.

Çində avtomobil 188 at gücü hasil edən 1,5 litrlik benzin turbo mühərriklə təklif olunacaq. "Changan CS55 Plus"ın maksimal sürəti 190 km/saatdır. Yanacaq sərfiyyatı 100 km səyahət üçün 7 litrdir.

Paşa Məmmədli