İngiltərənin “Everton” futbol klubunun sahibi, İran-Britaniya iş adamı Fərhad Moşiri komandanın nəzarət paketinin ABŞ-ın “777 Partners” investisiya şirkətinə satılması ilə bağlı müqavilə imzalayıb. 

Valyuta.az xəbər verir ki, bu barədə klubun saytı məlumat yayıb. Müqavilənin dəyəri açıqlanmır. 

Moşirinin sözlərinə görə, səhmlərin 94,1%-nin satışı tamamlanmaqda olan müasir stadionun tikintisini maliyyələşdirəcək.

“777 Partners” geniş futbol aktivləri portfelinə malikdir. Onların sırasında Genoa (İtaliya), Vasko da Qama (Braziliya), Herta (Almaniya), Standard (Belçika), Red Star (Fransa), Sevilya (İspaniya) və Melbourne Victory (Avstraliya) futbol klubları var.

Moşiri 2016-cı ildə "Everton"un səhmdarına çevrilib və 2018-ci ildə nəzarət paketini alıb. Bu müddət ərzində o, kluba 750 milyon funt-sterlinq (799 milyon dollar) sərmayə qoyub.

Nizami Bağırov