“Anaların bir yaşa qədər körpələrinə şirin çay, şirin su və ümumiyyətlə çay vermələri yolverilməzdir”. 

Valyuta.az-a açıqlamasında bunu həkim pediatr Gülşən Əliyeva Azərbaycanda əksər anaların körpələrə şirin çay və şirin su vermələri ilə bağlı danışarkən deyib:

“Çünki işlətdiyimiz şəkərin tərkibi saxarozadır ki, o da asan parçalanan karbohidratdır. Nəticədə orqanizmə çox karbohidrat daxil olduğundan,  uşaqların mədəaltı vəzisi həddən artıq yüklənir. Onun əvəzində uşaqlara bitki tərkibli şəkər, fruktoza vermək daha məsləhətlidir. Uşaqlara verilən kaşaların tərkibində də əsasən məhz fruktoza olur. İndiki çaylar korservativ maddələrlə zəngin olmaqla rəngli olur ki, onlar da bədənə yad maddələrdir. Yəni bədən rəngli çayı qəbul edəndə onu necə neytrallaşdırmağı bilmir. Digər tərəfdən çay körpə uşaqlarda oyanıqlıq verir. Ona görə bir yaşa qədər uşaqlara sakitləşdirici bitki çayları, məsələn şüyüd, razyan çayları verilməlidir”, deyə həkim bildirib.

Ramiz