Fransada smartfondan gələn təhlükəli elektromaqnit şüalanma səviyyəsinə görə "iPhone 12"nin satışı tezliklə dayandırıla bilər. 

Valyuta.az xəbər verir ki, bu barədə Fransanın rəqəmsal iqtisadiyyat nazirinin müavini Jan-Noel Barronun sözlərinə istinadən "Reuter"s agentliyi məlumat yayıb.

Fransanın radiotezliklər üzrə tənzimləyici orqanının (ANFR) mütəxəssisləri "iPhone 12"dən yüksək səviyyəli elektromaqnit şüalanması aşkar ediblər. ANFR laboratoriya testləri göstərib ki, smartfon hər kiloqram üçün 5,74 vatt, qanuni limit isə kiloqram üçün 4 vatdır.

Barro qeyd edib ki, problem proqram təminatının yenilənməsi vasitəsilə aradan qaldırıla bilər. Fransa "Apple"a proqram təminatının hazırlanması və buraxılması üçün düz iki həftə vaxt verib. Amerika İT nəhəngi bunu etməsə, Barro "iPhone 12"nin satışına qadağa qoyacağını və artıq satılan nüsxələri geri çağıracağını vəd edib.

Apple nəşrə mövcud vəziyyəti şərh etməyib.

Nicat