Çin öz dil modeli ilə "ChatGPT"yə alternativ olan süni intellekt köməkçisini işə salıb.

Valyuta.az xəbər verir ki, təqdimatdan sonra "Ernie Bot" adlı süni intellekti yaradan "Baidu" şirkətinin səhmlərinin qiyməti 3 faizdən çox artıb. 

Pekin həmin süni intellektə ABŞ-yə rəqib olacaq əsas sənaye kimi baxır və 2030-cu ilə qədər qlobal lider olmağı hədəfləyir. ABŞ-nin "OpenAI" firması populyarlaşan "ChatGPT"ni işə saldıqdan sonra Çinin texnoloji firmaları, alqoritmlərin yeni məzmun yaratmağa imkan verən generativ süni intellekt modellərini nümayiş etdirmək üçün də yarışırlar. 

"Baidu" tərəfindən verilən açıqlamada, "Ernie Bot"un bir proqram və ya rəsmi veb saytı vasitəsilə tamamilə hər kəs üçün açıq olacağını söylədi. Avropa kimi Çin də son aylarda generativ süni intellekt sənayesini tənzimləmək üçün səylər göstərir. Ölkə avqustun 15-də süni intellektlə bağlı tənzimləmələr çıxarıb ki, bu da şirkətlərin məhsullarını ictimaiyyətə təqdim etməzdən əvvəl təhlükəsizlik yoxlamasından keçirməsini və təsdiqlənməsini tələb edir. Hazırda ABŞ-da heç bir tənzimləmənin qüvvədə olmadığı da qeyd olunub. Çindəki digər iki süni intellekt şirkəti olan "Baichuan" və "Zhipu AI" də öz süni intellekt dil modellərini təqdim ediblər.

Elmir