Çin avtomobil istehsalçısı "Geely" sentyabrın 1-də yeni "Panda Knight" kompakt hetçbekini təqdim etməyi planlaşdırır. 

Valyuta.az xəbər verir ki, bu barədə carnewschina.com məlumat yayıb.

Yeni marka Amerikan "Ford Bronco"ya bənzəyir. Ancaq ölçüləri fərqlidir. Uzunluğu 3135 mm, təkər bazası isə 2015 mm-dir. Oturacaqların arxa cərgəsi qatlana bilər, baqaj bölməsinin həcmi isə 800 litrdir. Salon süni dəri və yüksək keyfiyyətli plastiklə işlənib. Ön paneldə multimedia sisteminə səkkiz düymlük ekran quraşdırılıb.

Avtomobil 41 at gücündə elektrik mühərriki və 200 km məsafəni təmin edən litium-dəmir-fosfat akkumulyatorla təmin edilib. Batareya 22 kVt (yarım saatda 30-dan 80% -ə qədər) və 3,3 kVt gücdə DC şarjını dəstəkləyir.

Paşa Məmmədli