"Oktyabr-noyabr aylarında un və çörəyin qiyməti bahalaşmayacaq".  

Bunu Valyuta.az-a açıqlamasında iqtisadçı ekspert Xalid Kərimli deyib. Ekspert hesab edir ki, sosial şəbəkədə, mediada un və çörəyin qiymətinin bahalaşması ilə bağlı gedən açıqlamalar həqiqəti əks etdirmir:

“Burada iki faktor var, birincisi taxıl dəhlizinin bağlanması, hansı ki, iyul ayında dünya buğda bazarında qiymətləri 1, 6% bahalaşdırıb. Amma iyun ayında bundan çox ucuzlaşma var idi. Həmin vaxt bundan sonra nə olacaq sualı verilirdi. Rusiya avqustun 23-da buğdanın ixracına gömrük rüsumunu artırdı. Həm taxıl dəhlizinin bağlanması, həm də gömrük rüsumunun 15% bahalaşması belə bir gözlənti yaratdı ki, qarşıdakı aylarda buğda bahalaşacaq”. 

Ekspert son günlər rus rublunun 25%-ə qədər ucuzlaşdığını xatırladıb:

“İyul ayında müşahidə olunan 1,6% artım və avqust ayında Rusiyanın ixrac gömrük rüsumlarının buğdaya görə artması hələ ki, Azərbaycanda nə unun, nə çörəyin bahalaşmasına təsir göstərməyəcək. Amma sonrakı həftələr nə baş verəcək, bu artıq ayrı bir mövzudur”. 

Aylin