DİN-in Baş Dövlət Yol Polisi İdarəsinin məlumatına görə, cari ilin 7 ayı ərzində respublika üzrə piyadaların vurulması ilə nəticələnən 350 yol-nəqliyyat hadisəsi qeydə alınıb. Bu isə ümumi yol qəzalarının 37,3 faizi deməkdir. 

Bakı şəhəri üzrə isə bu göstərici 55 faiz təşkil edir. Belə ki, baxılan hesabat dövrü ərzində paytaxt ərazisində 133 piyada vurma hadisəsi qeydə alınıb ki, nəticədə 65 nəfər həyatını itirib, 78 nəfər isə yaralanıb.

Açıqlamadan da göründüyü kimi, ümumi yol qəzalarının 1/3-dən çoxu piyadaların iştirakı ilə baş verir. 

Valyuta.az-a açıqlamasında sözügedən məqamı şərh edən sabiq polis polkovniki Mahmud Hacıyev bildirir ki, yaranmış vəziyyət yol qəzalarının baş verməsində əsas günahkarların piyadalar olduğunu göstərir:

“Bu ilk növbədə piyadaların yol-hərəkəti qaydalarına riyaət etməməsinin nəticəsidir. Yeraltı keçid, piyada zolaqları ola-ola piyadaların əksəriyyəti insanlar kənar yerlərdən keçməyə üstünlük verir. Bu da sonda piyadaların vurulması ilə nəticələnən qəzalara səbəb olur. 

Digər tərəfdən, burada sürücülərin də məsuliyyəti az deyil. Heç də bütün sürücülər peşəkarlıq, tərbiyyə, psixoloji baxımdan, qanunlara riayət etmək baxımından eyni səviyyədə deyillər. Hətta sürücülər arasında narkotik və ya içki qəbul edərək, sükan arxasına əyləşənlər də var. Nəticədə də belə hadisələr baş verir”.

Ramiz