“A-Qroup Sığorta” şirkəti İcbari Sığorta Bürosunun (İSB) üzvlərinin siyahısından çıxarılıb. 

Bu barədə Valyuta.az İSB-dən məlumat əldə edib.

Məlumata görə, bununla da Büronun iştirakçı qeyri-həyat sığorta şirkətlərinin sayı 13-dən 12-ə, ümumi iştirakçılarının sayı isə 18-dən 17-yə enib.

Qeyd edək ki, bu il avqust ayının 11-də könüllü müraciət əsasında Azərbaycan Mərkəzi Bankı tərəfindən “A-Qroup Sığorta” şirkətinin avtomobillərin və daşınmaz əmlakın icbari sığortası, o cümlədən daşınmaz əmlakın istismarı ilə bağlı mülki məsuliyyətin icbari sığorta lisenziyası ləğv edilib. Sığorta şirkətinin icbari sığortalardan imtinası onun yığımlarına ciddi təsir edəcəyi gözlənilir. 

Xatırladaq ki, bundan əvvəl iyun ayında, fəaliyyətini dayandıran “Günay Sığorta” Büronun üzvlüyündən kənarlaşdırılıb. 

Mahir