"Azərbaycanda dollara olan tələbin artmasının bir neçə səbəbi var".

Bunu Valyuta.az-a açıqlamasında iqtisadçı ekspert Əkrəm Həsənov deyib. 

Onun sözlərinə görə, dollara tələbin artmasının ən böyük səbəbi böyük ehtimalla Rusiya valyutasının ucuzlaşmasıdır:

"Ehtimal var ki, hazırda Rusiyadadkı həmyerlilərimizin Azərbaycanda dollar alması müşahidə olunur. Digər ikinci səbəb isə yay mövsümünün pik vaxtının olması ilə bağlıdır. Bu dəqiqə çamaat dincəlmək üçün xarici ölkələrə üz tutur. Səfər zamanı onlara dollar lazımdır”. 

Ekspert hesab edir ki, bundan başqa da səbəblər var:

“Vətəndaşlar banklara müraciət edir, banklar da Mərkəzi Banka. Vətəndaşların birdən-birə banklara müraciət etməsi ilə bağlı statistika yoxdur. Yaxud da xaricdə təhsil alan tələbələr, onların təhsil haqqlarının ödənilən vaxtıdır. Bu ayda Azərbaycanda həmişə dollara tələb artır”.

Qeyd edək ki, ötən həftə hərraclarda dollara tələb artıb. Belə ki, 10-17 avqust tarixlərində Mərkəzi Bankın təşkil etdiyi 3 valyuta hərraclarında 127.9 milyon dollar satılıb.

Aylin