Avropa İttifaqı (Aİ) ölkələrinin təbii qaz anbarlarının doluluq nisbəti 90 faizi ötüb və bu qış dövründə enerji təchizatı təhlükəsizliyinə töhfə verəcək.

Valyuta.az xəbər verir ki, Aİ Komissiyasının sədri Ursula fon der Leyen deyib.

“Aİ-nin qaz anbarları qrafikdən xeyli əvvəl 90 faizə çatıb”, deyən Aİ rəsmisi Von der Leyen qeyd edib ki, yığılan qaz qış dövründə enerji təchizatı təhlükəsizliyinə töhfə verəcək.

Fon der Leyen Rusiya qazından imtina etdiklərinə diqqət çəkərək, enerji mənbələrinin müxtəlifliyini artırmaq üçün işlərini davam etdirdiklərini ifadə edib.

"Gas Infrastucture Europe"nın məlumatlarına görə, bu günə üzv ölkələrdə təbii qaz anbarlarının doluluq nisbəti yüzdə 90,12 səviyyəsindədir. Normal dövrlərdə ildə təxminən 400 milyard kubmetr təbii qaz istehlak edən Aİ ölkələrinin 110 milyard kubmetrə qədər təbii qaz anbarı var.

Rusiya-Ukrayna müharibəsindən əvvəl Aİ ölkələri təbii qazın 40 faizini Rusiyadan idxal edirdi. Müharibə ilə birlikdə Rusiyadan Aİ-yə təbii qaz nəqli 8 faizə düşüb.

Paşa Məmmədli