"Bakıda fəaliyyət göstərən metrostansiyaların sayını artırmaq lazımdır".

Bunu Valyuta.az-a açıqlamasında nəqliyyat eksperti Ərşad Hüseynov deyib. Ekspert metrodan istifadə edənlərin sayının artmasını yaxşı göstərici hesab edir:

“Bu yaxşı göstəricidir, təbii ki, səbəbləri var, pandemiyadan sonra insanların ictimai nəqliyyat ehtiyacları artdı. Məhdudiyyətlər götürüldü, insanlara hərəkət etmək lazım idi. İctimi nəqliyyatın ən etibarlı və dayanıqlı növü metrodur. Çünki tıxaca düşmür, rahatdır, genişdir. İnsanların metroya üstünlük verməsini alqışlamaq lazımdır”.

Ərşad Hüseynov bildirib ki, əgər Bakıda tıxac olmasını istəmiriksə, metro nəqliyyatına üstünlük vermək lazımdır:

“Metrostansiyaların sayı nə qədər çox olsa, ondan istifadə edənlərin də sayı artacaq”.

Qeyd edək ki, Dövlət Statistika Komitəsinin məlumatına görə, bu ilin yanvar-iyul aylarında Bakı metropoliteninin xidmətlərindən istifadə etmiş sərnişinlərin sayı 8,8% artaraq 124 311 min nəfər olub.

Aylin