Rusiya Mərkəzi Bankı əsas faiz dərəcəsini 350 baza bəndi artıraraq illik 12%-ə çatdırıb. 

Valyuta.az xəbər verir ki, bu barədə Rusiya Federasiyası Mərkəzi Bankının saytında məlumat verilib.

“İnflyasiya təzyiqi artmaqda davam edir. Avqustun 7-nə olan hesablamalara görə, illik inflyasiya səviyyəsi 4,4%-ə yüksəlib”, - tənzimləyicinin açıqlamasında bildirilir.

Rusiya Federasiyası Mərkəzi Bankı qiymət artım tempinin sürətlənməyə davam etdiyini bildirib. Orta hesabla, son üç ayda cari artım illik hesablamada 7,6% olub, eyni baza inflyasiya isə 7,1%-ə yüksəlib.

21 iyul 2023-cü ildə Rusiya Mərkəzi Bankı əsas uçot dərəcəsini 100 baza bəndi artıraraq illik 8,5%-ə çatdırıb.

Rusiya prezidenti Vladimir Putin Mərkəzi Bankın bu qərarını şərh edərkən qeyd edib ki, bu, inflyasiyanın alovlanması səbəbindən məcbur olub.

Nicat